مبتداء وخبر کی تقدیم و تاخیر

        

   🌹مبتداء و خبر کی تقدیم و تاخیر🌹

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مبتداء عموماً خبر سے پہلے آتا ہے۔ اور خبر مبتداء کے بعد آتی ہے۔ اور کبھی خبر مبتداء سے پہلے بھی آ جاتی ہے۔ جیسے۔(زید قائمٌ)

چار صورتوں میں مبتداء کو مقدم اور خبر کو مؤخر لانا واجب ہے۔۔۔۔۔۔۔۔۔

1). مبتداء ایسے معنی پر مشتمل ہو جس کا شروع کلام میں ہونا ضروری ہے۔ جیسے۔(من انت)۔ 

2). مبتداء ارو خبر دونوں معرفہ ہوں۔ اور کوئی ایسا قرینہ نہ ہو جس سے مبتداء اور خبر کی تعین ہو سکے۔ جیسے۔۔۔۔(زیدٌ المنطلقُ) 

3). مبتداء اور خبر دونوں نکرہ مخصوصہ ہوں۔ جیسے۔(غلام رجلٍ ولدٌ صالحٌ) 

4).خبر مبتداء کا فعل ہو۔ یعنی خبر جملہ فعلیہ ہو۔ اور اس کی ضمیر مرفوع مبتداء کی طرف راجع ہو۔ جیسے(زید قامَ)

چار صورتوں میں خبر کو مقدم اور مبتداء کو مؤخر کرنا واجب ہے۔ 

1).خبر ایسے معنی پر مشتمل ہو۔ جس کا شروع کلام میں ہونا ضروری ہے۔جیسے۔(أین زیدٌ)

2). خبر کے مقدم ہونے کی وجہ سے مبتداء کا مبتداء واقع ہونا صحیح ہوتا ہو۔ جیسے۔ (في الدارِ رجلٌ)

3). مبتداء میں ایسی ضمیر ہو۔ جو خبر کے جزء کی طرف لوٹ رہی ہو۔ (في الدارِ صاحبها)

4). جب أنّ اپنےاسم و خبر سے مل کر مبتداء واقع ہو۔ جیسے۔(عندی أنّک عالمٌ)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

          🌹فاعل اور مفعول کی تقدیم و تاخیر 🌹

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عموماً فاعل، مفعول سے پہلے اور مفعول،فاعل کے بعد آتا ہے۔لیکن کبھی کبھی مفعول، فاعل سے پہلے بھی آ جاتا ہے۔

 چار صورتوں میں فاعل کو مقدم اور مفعول کو مؤخر کرنا واجب ہے۔ 

1). فاعل اور مفعول میں سے کسی میں بھی اعراب ظاہر نہ ہوا ہو۔ اور نہ ایسا قرینہ ہو ۔ جس سے فاعل یا مفعول کی تعین ہو سکے۔ جیسے۔(نصرَ موسیٰ یحییٰ)

2). فاعل ضمیر متصل ہو۔ اور مفعول فعل سے پہلے نہ ہو۔ جیسے۔ (نصرتُ فقیرا) 

3). مفعول معنی إلّا کے بعد واقع ہو۔ جیسے۔ (ما راٰی زید الا عمرا)

4).مفعول معنی إلّا کے بعد واقع ہو۔ جیسے۔(اِنما نصرَ خالد ضعیفا) 

چار صورتوں میں مفعول کو مقدم اور فاعل کو مؤخر لانا واجب ہے۔

1).فاعل کے ساتھ مفعول کی ضمیر۔ متصل ہو۔ جیسے۔(أعان زیدا اِبنُه)

2).فاعل الا کے بعد واقع ہو۔ جیسے (ما اٰتی فقیرا الا بکرٌ) 

3). فاعل معنی الا کے بعد واقع ہو۔ جیسے۔(اِنما راٰی ولدا خالدا) 

4). جب مفعول ضمیر متصل اور فاعل اسم ظاہر ہو۔ جیسے۔(علّمَه الأستاذ)

_____________________________________________

مبتداء کی تعریف۔ وہ اسم جو لفظی عوامل سے خالی ہو۔ اور مسند الیہ ہو۔ جیسے۔ زید قائم۔ میں زید۔ 

(جملہ اسمیہ کے پہلے جزء کو مبتداء کہتے ہیں۔ 

مبتداء معرفہ یا نکرہ مخصوصہ ہوتا ہے۔ مبتداء ہمیشہ مرفوع ہوتا ہے۔

 

مبتداءاگر غیر عاقل یا مؤنث عاقل کی جمع مکسر ہو تو خبر واحد مؤنث یا جمع مؤنث آتی ہے۔ جیسے۔۔۔(الجبال شامخة.. شامخاتٌ النساء عاقلة.. عاقلاتٌ)۔

مبتداء اگر مذکر عاقل کی جمع مکسر ہو تو خبر واحد مؤنث یا جمع مذکر آتی ہے۔ جیسے۔(الرجال عالمة.. عالماتٌ)۔ 

خبر کی تعریف۔۔  وہ اسم جو لفظی عوامل سے خالی ہو۔ اور مسند ہو۔ جیسے۔ زید قائم۔ میں قائم۔ 

جملہ اسمیہ کر دوسرے جزء کو بھی خبر کہتے ہیں۔ 

خبر عموماً نکرہ ہوتی ہےاور مبتداء کی طرح یے بھی ہمیشہ مرفوع ہوتی ہے۔ خبر کبھی مفرد، کبھی جملہ اور کبھی جار مجروع ہوتی ہے ۔  خبر اگر مفرد ہو۔ تو۔ مذکر، مؤنث، واحد، تثنیہ، جمع، ہونے میں۔ اس کا مبتداء کے مطابق ہونا ضروری ہے۔خبر اگر جملہ ہو تو عموماً اس میں مبتداء کے مطابق ایک

ضمیر ہوتی ہے۔ 

 اور خبر اگر جار۔ مجرور  ہو تو۔ وہ ایسے فعل یا شبہ۔ فعل محذوف  کے متعلق ہوگی۔ جو مذکر، مؤنث، واحد، تثنیہ، اور

جمع ہونے میں مبتداء کے مطابق ہو۔ جیسے۔(زید فی الدار)...

فاعل کی تعریف۔  جو اسم مشتق ایسی ذات پر دلالت کرے  جس کے ساتھ۔فعل قائم ہو۔ اسے اسم فاعل کہتے ہیں (اٰکل)

اسم فاعل فعل معروف کی طرح عمل کرتا  ہے۔۔ یعنی اپنے فاعل کو رفع اور چھ اسماء کو نصب دیتا ہے۔  

مفعول کی تعریف۔ جو اسم مشتق ایسی ذات پر دلالت کرے 

جس پر فعل واقع ہو۔ اسے اسم مفعول کہتے ہیں۔ مضروب۔

اسم مفعول فعل مجہول کی طرح عمل کرتا ہے۔  یعنی اپنے  نائب فاعل کو رفع اور چھ اسماء کو نصب دیتا ہے۔

=====================================