عوامل کا بیان

                                                 عامل کی  تعریف۔

   عامل وہ شئ ہے جس کے باعث فاعلیت۔مفعولیت۔یا اضافت والا معنی پیدا ہو ۔

                                                           وضاحت۔ 

 مثال کے طور پر حب زَيْد ۔پر جاء۔ داخل ہو اور یوں کہا جاۓ۔جاء زيد۔ یعنی زید آیا تو ترجمہ سے با آسانی سمجھ میں آ رہا ہے کہ جاء کی وجہ سے زید میں فعالیت والا معنی پیدا ہو رہا ہے 

                                                 عوامل کی اقسام

                                                  ان کی دو قسمیں ہیں۔

                                                         لفظیہ۔۔ معنویہ۔۔

عوامل لفظیہ ۔ وہ عوامل جن کو لکھا پڑھا جا سکے ۔ان کی دو قسمیں ہیں۔ قیاسیہ ۔۔ سماعیہ۔ 

عوامل قیاسیہ۔۔ وہ عوامل جن کے لۓ کوئی قائدہ کلیہ وضع کیا جا سکے اور ان کی مثالیں شمار میں نا آ سکیں 

عوامل سماعیہ۔ وہ عوامل جن کے لۓ کوئی قائدہ کلیہ وضع نا کیا جا سکے اور ان کی مثالیں شمار میں آ سکیں 

_____________________________________________

عوامل معنویہ۔ وہ عوامل جو لکھنے پڑھنے میں نہ آ سکے 

عوامل کی کل تعداد۔۔۔۔ کل عوامل سو ہیں جن میں سے سات قیاسی۔۔ اکانوے سماعی۔۔ اور دو معنوی ہیں۔ 

مصدر کو تین طریقوں سے استعمال کیا جاتا ہے ۔

  1).اضافت کے ساتھ جیسے اَعْجَبَنِیْ قِیَامُ زَیْدٍ (مجھے زید کے کھڑے ہونے نے حیرت میں ڈالا)، اس مثال میں قِیَام مصدر اپنے فاعل زَیدکی طرف مضاف ہے جو کہ لفظا مجرور اور محلا مرفوع ہے۔

  2).تنوین کے ساتھ جیسے اَوْاِطْعَامٌ فِی یَوْمٍ ذِیْ مَسْغَبَۃٍ یَتِیْمَاًذَامَقْرَبَۃٍ (یا کھانا کھلانافاقے کے دن کسی رشتہ دار یتیم کو)، اس مثال میں اِطْعَامٌ مصدر تنوین کے ساتھ استعمال ہواہے اور یَتِیْمًا اس کا مفعول بہ ہے۔

  3).الف لام کے ساتھ جیسے عَمُّکَ حَسَنُ التَّھْذِیْبِ أَبْنَاءَ ہ، (تیرے چچا نے اپنے بیٹوں کو اچھے اطوار سکھائے)اس مثال میں اَلتَّھْذِیْب مصدر الف لام کے ساتھ استعمال ہو ا ہے۔ اور أَبْنَاءَ ہ، اس کامفعول ہے۔

مصدر کے عمل کی شرط:

  مصدر کے عمل کی شرط یہ ہے کہ وہ مفعول مطلق نہ ہو۔

مصدر کا عمل:

  مصدر اپنے فعل کی طرح عمل کرتا ہے اگر فعل لازم کا مصدر ہے توفعل لازم کی طرح عمل کریگا اگر فعل متعدی کا مصدر ہے تو فعل متعدی کی طرح عمل کریگا۔

جیسے:

  1). فعل لازم کا مصدر عَجِبْتُ مِنْ ذَھَابِکَ (میں تیرے جانے سے متعجب ہوا)۔

  2). فعل متعدی کا مصدر عَجِبْتُ مِنْ ضَرْبِکَ زَیْدًا (میں تیرے زید کو مارنے سے متعجب ہوا)۔